kanangjarrau.com

Selamat Hari Krismas & Taun Baru 2012

2011-12-22T22:27:00.004+08:00

Operator Pengeluaran

2011-07-30T23:18:00.018+08:00

Kerja nyadi operator pengeluaran ba kilang plywood Tanjung Ensurai 1989, siti peneleba idup ti udah aku asai. Mulai ke pengingat ngagai maianya nyurutka ati rinduka pendiau serta kaul maianya enggau bala kaban ke sama enggau gawa, diau di lodge rumah kayu di sediaka kompeni, mandi berapi ngena ai ujan, kadang-kadang mandi ngagai batang Rajang; laban ke enda teleba mandi ai mesainya, berumban niki katas baru udah sekali nyepuh terjun ke dalam sungai; takut!

Kerja ngena shift; lebuh ke shift malam, umbas iya ga ati ngansak diri ngambika ulih nurun, lembau amai tulang ia ke bendar, ngenang mata enda tan betunggu kerja semalam-malam enda tinduk besambutka kepin plywood ari drier, kadang-kadang diengkahka urang ba bahagian ngupak kayu ngemataka conveyor bejalai ngundan kayu ti udah disirap nipis ulih mesin. Maya kayu ke labuh ari conveyor, terpaksa mega ngatung ia ngena jari. Enti gulung sirap kayu nya besai, tak diberap manah kayunya tadi lalu dipanggaika baru ngagai conveyor; abis kamah baju. Tang siti penyamai kerja malam tu laban ti bisi di beri kompeni ngirup tengah malam, serta enggau kuay pau; ningka nyawa ka makai, enda di letak berapa enggi siku.

Pemedis serta penyuntuk endang sigi entudi burit belama laban gaji bangat nadai amai, RM16 sari. Tang nadai ga pulaika penusah amai laban ti nadai urang disangkung; kerja laban ti enggai muai jam cuti sekula semester ari matrikulasi UKM maianya. Duit gaji janji ulih kena nyua duit pupu kena meli beras enggau lauk gerempung enggau bala ti enggau sebilik. Utai ti enda tau pungkang, insap endang sigi bisi belama. Ditu meh keterubah aku muka akaun EPF enggau SOCSO; terima kasih ngagai kompeni tu.

Kerja nyadi Operator pengeluaran ba kilang insap (Bismarck) di Bandar baru Bangi taun 1992. kerja ditu semalam aja (baru masuk kerja terus shift malam). Sampai saritu gaji aku enda di ambi, taja di asuh kompeninya datai ke ofis ngambi gaji maianya, RM20 seari. Kerja ditu nitihka siku kaban aku ari Sabah ti sama belajar ba UKM, sama bela ka nginsap (nya ia bulih ; penginsap kerja ba kilang insap). Pengawa aku nusun kotak insap dalam katun insap (bahagian packing). Suah agi conveyor ke jam laban aku ti empai lancat. Badu laban ti enda tan di tepuk bau semakau; taja penginsap maianya, nyau enda meh tan bangat tak mangkang semakau. Insap tu dieksport ngagai timur tengah kelebih agi ngagai Afganistan, enggau Iran.

Kerja nyadi Operator pengeluaran ba kilang insulflex ba Bandar baru Bangi (ngaga tiub air-cond) taun 1994. maia ke cuti antara semester ba UKM, enda pulai ke menua. Pengingat ke tebal agi dalam pala aku ditu ianya kerja begulai enggau bala Bangla.

kerja nyadi Operator pengeluaran ba kilang Ryoka, bandar baru Bangi (kilang ngaga casing TV Sony) taun 1995. Ditu aku semina sempat kerja beberapa jam aja laban ti dibuai urang terus sarinya; kebuah iya laban kilangnya nemu aku bisi degree, di temu sida iya enda lama kerja. taja pia sida udah meri aku percuma medical check-up laban nya prosedur kilang nya; sapa - sapa ti baru masuk kerja endang terus di anjung medical check-up sebedau start kerja.

Maiuh agi pengingat-pengingat kerja bukai nyengkaum ia ti naka-naka ia ngeransingka ati laban kerja dia balat amat ngenusahka aku. nasib seput agi panjai diberi Petara nyeliahka diri ari ti bebadi nurun serta pulai kerja ngena motosikal niti highway persekutuan ngagai kawasan perindustrian Kepong ari Kajang, Selangor. Nurun tumu pagi abis tesat begigaka laluan motosikal.

Kerja nyadi salesman belah Kuala Lumpur udah kala di asai; kerja tu ngajar aku enda tentu ka meda urang kerja salesman tu. Bagi aku, manah agi nuan terus bekuli ari ti masau diri nyadi salesman.

Semua peneleba gawa taja enda panjai nyadi ke pengingat magang. Nama kebuah perlu kerja bakanya? semuanya laban penyekut pengidup diri ditambah sigi ukai urang ti pemisi datai ari rumah panjai. Idup maianya endang penuh enggau ati ti ngining urang bukai ti bisi duit serta ruang bilik ti pemisi. Semua tu pulai ke peransang ati. nadai jalai bukai, laban ti nadai pengelandik jari, semina ngena jalai belajar di sekula lalu bebendar- bendar ngansah diri ngambika ulih pass enggau manah dalam setiap test. Enda meh Petara nyuaka burit enti kitai amai bebendar ka mansang, anang bekelikuh maiuh, pajakka peransang ati diri nuju juluk ati nengah jalai ke betul.

Taja ti udah berindik ba pendiau ti ke diatu, ati aku endang seruran ransing lebuh ti meratika diri empu agi suba; siti pejalai ti bepun ari pungkang enggau penyuntuk.

Cuti Gawai 2011

2011-06-08T23:07:00.111+08:00

Enti taun nyin kemari aku mai bala aku cuti ngagai menua Malaya seminggu di KL enggau Genting, sekalitu kami menyanak cuti ngagai menua Sabah, napatka alai ti empai silik dilawa maia ke cuti Krismas taun nyin kemari. Sekalitu pejalai kami bisi seminggu bejegau di menua Sabah ari Kota Kinabalu, ngagai Kundasang serta Ranau.

Bagi sapa ke ka bejalai ngena darat ngagai menua sabah tang enda nemu jalai, beberapa pekara perlu digaga nuan. Keterubah - mesti nemu tusun nama alai ti ka di pansa/di tuju. Kedua, nemu jalai ti patut ditengah. Ketiga, plan jam meleka lalu mansi jam tebasau maia ba checkpoint imigresen ba sempadan Malaysia enggau Brunei. Keempat, mesti bisi map jalai serta palan ti ka dilawa maia udah datai di Sabah. kelima, mai cukup cash laban in any case engka kita begunaka cash e.g. kereta bisi penanggul belah rantau jalai, tauka meli anak ngot ke dikayam dalam kereta. Imigresen & Kastam Checkpoint;
1. Sungai Tujuh (Miri-Kuala Belait)
2. Kuala Lurah/Tedungan (Muara -Limbang)
3. Pandaruan/Puni (Limbang-Temburong)
4. Labu/Mengkalap (Temburong-Lawas)
5. Sindumin (Lawas - Sabah)

Ditu aku bekunsi enggau kita tusun jalai tengah aku kin. Miri Boulevard Roundabout > Jalan Pujut 7 > e-Mart > Kuala Baram Bridge > Toll > Sungai Tujuh Check Point >Toll Brunei> highway >driving di highway sampai U-Turn Tanjung Maya > masuk jalai sepiak kanan > masuk simpang jalai Tanjung Maya> Ikut papan tanda ke > Check Point Kuala Lurah/Tedungan > Limbang > Pandaruan/Limbang Check Point (Puni Feri) > Temburong Brunei > Brunei Labu Check Point > Malaysia Mengkalap Check Point > Lawas. > Sindumin (Imegresen Check Point ke Sabah) >Sipitang >jalai ngagai Kota Kinabalu semina nitihka signboard aja.

Ningka ke diatu, aku empai bisi pelan ke ngelawa menua bukai kelimpah ari datai baru ngagai menua tu. Menua Sabah cukup manah enggau rampa menua, tebing tasik, pulau, serta pemakai ari tasik serta kebun ari tanah tinggi Kundasang. Pejalai darat ari Bintulu ke menua tu cukup ngerinduka ati laban ti mansa maiuh bengkah alai.

Meli rumah ke-2. Bakani cara ia?

2011-02-18T13:51:00.113+08:00

Enti nganti rega rumah nurun tauka murah ranjur enda meli rumah meh aku. Puas aku ke berunding, aku kira udah datai maia ia aku ngembuan siti da agi rumah ke deka ati. Dalam gaya ti bakatu, tu lebih ngagai pelaburan/investment aku laban enti ngira rumah ke endor diau aku udah bisi rumah keterubah ti udah dalam jari aku. Rega rumah di Bintulu tu makin ari makin niki. Setaun keudah, enti nuan meli rumah teres dua tingkat ti bedau dientak, rega ia engka ulih dalam 270 ngagai 290 ribu. Tang diatu, rumah ti bedau dientak rega ia udah 360 ngagai 390 ribu lalu enti ba puting rega ia kira-kira 100 ribu lebih mal ari ia ti ba tengah.

Rumah ke dibeli aku sekali tu, bisi ditanya aku dua bulan lepas. Rega ia 10 ribu baruh ari rega iya ke diatu. Bakanya meh gaya rega rumah ti jampat amai niki, balat amai muai duit serta nating penatai pemisi kitai menua tu. Enti di Malaya, rega rumah nyampau tu ulih meli sekurang-kurang ia Semi-D house serta lot tanah ti luas.

Rose & Strawberry Kundasang

2011-01-29T00:21:00.006+08:00

Nyambung kenang pejalai ujung taun siti tu kemari. Gambar tu jalai sebedau datai ba Kota Kinabalu. Aku enda ingatka nama menua tu.

Gambar ari bilik endor diau, tingkat 11 ulih nimpai Gunung Kinabalu.

Jalai nuju ke Kundasang. Sepanjai jalai driving niki bukit.

Di kaki Gunung Kinabalu

2011-01-08T18:42:00.003+08:00

Ari Krismas, 25hb Disember 2010. Niki ngagai kaki gunung Kinabalu ngena kereta penyauh 4KM ari pintu masuk ba Taman Kinabalu ngagai kaki gunung tu. Tiket masuk ngagai taman tu ianya RM4 siku. Enti enda enggau pengeran ati enda ulih driving niki kitu laban jalai balat amai renjan, licin serta sempit, ditambah 2-way lane untuk kereta niki enggau nurun kelebih agi maia ke beseliah enggau kereta besai. Enti salah drive ulih labuh ke arung enda nemu berapa penyauh ke baruh!

Di kaki Gunung Kinabalu tu, maya ke datai dia penyelap ia ianya 19 degree Celsius. Enda ulih lama mai sida ke mit ditu enti enda mai baju celap.

Aku sempat macha notis amaran tu ti dituju ngagai urang ti deka niki bukit tu. Enti bisi penyakit baka ke dalam notisnya, sida enda di sagi niki.

Bala aku begambar di ujung jalai ti penudi ia tau dipasuk urang maiuh. Ngilah pagar ba ujung jalai tu enda tau di pasuk. Semina dikemendar ngagai sida ke bisi permit niki aja.

Maia ba kaki Gunung Kinabalu tu nadai maiuh utai ulih di peda laban kabus tebal amai ngempang rampa menua ti deka di peda.

Bejalai neresa tiga Menua Utara Borneo

2011-01-05T00:08:00.015+08:00

Bejalai ngagai menua Sabah nengah jalai darat first time driving - belandikka google map & wikimapia dibantu enggau signboard ti bisi nisi jalai alun. Meleka ari Bintulu kena 23hb Disember 2010, pagi lalu bemalam semalam ba Limbang. Sambung driving baru ari Limbang nuju Kota Kinabalu pagi 24hb.

Labanka enda kala driving nengah tiga negeri, tambah agi neresa menua luar Negara Brunei, aku perlu nyediaka diri enggau maiuh pekara serta nyikap diri eggau maiuh information. Semua information ke perlu diulih aku ari internet kelebih agi ari blog.

Enti nengah jalai darat bakatu, kitai terpaksa nengah 5 iti checkpoint. Di setiap checkpoint nya kitai perlu nengah Kastam enggau Imigresen kedua-dua menua ianya Malaysia enggau Brunei. Keterubah masuk menua Brunei ba checkpoint Sungai Tujuh kitai perlu declare kereta dulu enggau imigresen Brunei kelimpah ari passport di stamp kali ke terubah. Bisi orang mai copy grant card kereta serta cover note insurance kereta ngambi mudah agi lebuh ngisi declaration formnya. Cermin kereta tinted (approved by PUSPAKOM) nadai masalah masuk Brunei.
Sebedau datai ba Sungai Tujuh, datai ari Miri nengah Kuala Baram bridge perlu mayar tol RM10. Lepas ari checkpoint Sungai Tujuh, driving enda lama lalu bisi nengah tol Brunei bayar 3 dolar Brunei udahnya lalu masuk highway. Aku enda nemu speed limit ba menua Brunei kelebih agi atas highway tu, tang aku semina maintain speed around 120 km/h. Nya pan maiuh aja kereta Brunei ti overtake aku.

Sampai Tanjung Maya U-Turn, aku masuk ke jalai sepiak lalu masuk simpang Tanjung Maya ke Lamunin. Jalai tu dikira semak agi, neresa maiuh kawasan rumah kampung, kebun serta sawah padi. Taja jalai tu jalai kampung tang ia lengkap enggau signboard madahka tunga jalai ngagai Check-Point ke-2, ianya Kuala Lurah/Tedungan. Ari tu keluar baru ngagai Sarawak, masuk menua Limbang. Aku nadai ngambi gambar di checkpoint menua Brunei udah ke di tagang polis Brunei ngambi gambar ba Sungai Tujuh.

Mupuk baru ari siti, 24hb ari Limbang nuju Lawas nengah Temburong, Brunei. Pejalai tu perlu mansa checkpoint ke-3 ianya Limbang/Pandaruan (masuk Brunei) enggau checkpoint ke-4, Labu/Merapok (keluar Brunei).

Udah checkpoint Limbang/Pandaruan, kitai perlu meraka sungai Pandaruan ngena feri sebedau datai seberai ba post kawalan sepiak Brunei (Temburong). Ba post kawalan tu declaration form kereta tadi perlu di beri ngagai Kastam Brunei for entry stamping. Ari tu driving terus ngagai checkpoint ke-4, Labu-Merapok lalu pansut ke Lawas.

Ari Lawas nuju checkpoint ke-5, Mengkalap -Sindumin ba sempadan masuk ke menua Sabah. Ba checkpoint ke-5 tu, kitai ari Sarawak nadai perlu stamp passport tauka declare kereta agi. Maia ke udah datai ba menua Sabah, jalai lurus aja belandika signboard ti ngemai kitai ngagai Kota Kinabalu.

Nengah jalai darat bakatu perlu estimate jam ti dikena queue-up ba setiap checkpoint enggau ngena Feri ba sungai Pandaruan kelebih agi enti bejalai maia orang cuti enggau ujung minggu. Taja maiuh proses masuk-keluar sempadan negara Malaysia enggau Brunei, serta kadang2 perlu queue-up bejam-jam ba checkpoint tauka feri, pejalai nengah jalai darat bakatu tetap ngerinduka ati ditambahka thrill maia ke masuk menua urang ti enda kala di tengah.

Rega rumah di Sarawak kelalu tinggi

2010-11-23T23:42:00.068+08:00

Empai lama aku bisi bejalai-jalai meda rumah di menua Bintulu ditu, rumah ti benung digaga. Beberapa iti alai bisi di peda aku termasuk ba Pearl Garden 2 enggau Golden Hill Villa ba jalai Sibiyu (Jalai Desa Damai). Dalam ke bejalainya aku sempat betanyaka rega rumah-rumahnya enggau developer. Ba Pear Garden 2 (developer - Paling Construction) bisi tinggal 2 unit rumah teres dua tingkat intermediate berega RM360K seunit. Nyadi ba Golden Hill Villa (Developer is HOMEMAS), bisi 15 unit bedau dibeli orang termasuk 6 unit corner lot. Rumah teres dua tingkat intermediate nya berega RM368K seunit, lalu corner lot berega RM468K seunit. Ba Golden Villa tu bisi siti da agi Semi-D double storey empai dibeli orang berega RM638K seunit (udah tembu).

Kelimpah ari dua iti endor tu, aku mega bisi bejalai ngagai Kemena Sutera 2, meda rumah Semi-D din, seunit berega RM380 (empai tembu). Aku bisi mega betanya ngagai developer rumah alai aku diau ditu, ba Beverly Hill tu. Siti rumah Semi-D single berega RM442K (benung digaga).

Enti sama baka ba menua Semenanjung, Bumiputera ulih minta diskaun ari rega rumah. Tang sayau sekali menua kitai tu title bumiputera nya nadai ulih guna.

Ba aku empu, mandingka rega rumah tu enggau rega rumah sepuluh taun ke udah (saiz & design sebaka) amai jauh amat udah niki. Dalam taun 1999, maia aku meli rumah suba; rumah teres dua tingkat intermediate semina RM160K aja. maianya aku baru empat taun udah graduate, empai bisi jalai ulih tumu agi ari nya meli rumah, serta nadai jalai ka meli rumah lebih ari siti. Enti aku nyukat diri empu diatu enggau maianya suba, nengkelak aja meh ngenangnya. Tang idup bekuli tu sigi enda tak baka ke disepu meh pemansang kitai.

Taun baru, rumah ke bisi tu ka ditembuka aku, nganti ngulihka bungai ujung taun tu dulu. Udahnya ila ka napatka baru sidik aku ngagai rumah - rumah di atas tadi. Minta Tuhan terus merekat pengerai aku (enggau kami sebilik mega) ngambi ulih terus bekuli dalam taun-taun ke ka datai.

10th Eva Grace's Birthday

2010-10-31T08:24:00.005+08:00

Cukai kereta import di Malaysia balat nating rakyat

2010-08-17T16:50:00.269+08:00

Dalam pengelantang ati meda menua tu, menua Sarawak, menua Malaysia, menua kitai; bisi aja pengeruga dalam ati serta runding ti mai nyida lebuh beratika maioh macam pekara ke berindik ari polisi perintah. Ia ke dalam pala aku diatu; Cukai kereta di Malaysia amat balat amai nating rakyat. Bila kitai meli kereta import, kitai perlu mayar maioh macam cukai kelimpah ari rega CIF kereta (CIF, Cost Insurance Freight). Bengkah cukai ti dikenaka ba kereta import ianya Duti import, Duti Eksais enggau Cukai Jalai.

Ngambika banding enti kereta CBU (completely built-Up) ari menua ukai ASEAN bagi 1.8 ngagai 2.0 CC. Duti import ia , 10% + Duti Eksais, 80% + Cukai Jalai, 10%. Semua cukai tu tadi dicampur enggai rega CIF keretanya lalu nya meh nyadi rega ti dijual ngagai rakyat Malaysia. Beri banding, meli kereta ari Korea, enggau rega CIF ia RM72,800. Uji kira kediri empu, berapa rega ia di Malaysia. Rega keretanya cukup tinggi, 100% niki. Cukai enda ngeningginya ba menua bukai baka Brunei, Indonesia tauka Singapore.

Patut ke enda polisi ke bakatu ditanka kitai ti rakyat? Anang ketegal kereta Nasional ti ka dilakuka ngagai rakyat, rakyat dipansar mayar cukai ti tinggi ba kereta import.

Semua cukai nya tadi, di campur rega CIF, semua ia nyadi RM145,600. Bedau agi ngira untung syarikat ti ngidarka keretanya, Salesman, enggau cukai jalai. Pengujung ia keluar rega OTR (on the road). Udahnya masuk finance, siti agi pekara ti nating. Enti baka diatu, interest rate loan kereta import di antara 3.5% ngagai 3.85% setaun (Sebedau tu interest rate 2.88% ngagai 3.5%).

Sapa ti bekait enggau urusan bejual beli kereta import, enda ngira CKD tauka CBU nemu agi pasal utai tu.

Rakyat Malaysia sayau amai ke menua tu. Lalu idup diau dalam menua tu endang bisi juluk ati ka jampat mansang, bulih cukup reta tengkira sebedau badu gawa. Tang utai ti nekan pengerembai idup rakyat ti bakatu, mai maioh rakyat enda tejingkauka juluk ati sampai badu gawa.

Maioh agi pekara bukai ti nekan penatai pemisi rakyat. Rega barang niki, siti ari ia. Belanja anak sekula tauka belajar pan niki. Cas akses ngagai internet tinggi (TM streamyx & broadband service) enda ngipakka pengelubah ia laban GB allocated per month disekat. Bila nuan ka nambahka GB, perlu bayar agi. Ka enda nambah enggaika internet nyau makin slow ga.

Enti enda bebendar bebagika penatai pemisi diri tiap-tiap bulan, dibagi ngagai ungkup tu enggau ungkup nya; datai puang, tinggal puang meh kitai pengujung ia.

Beratika reti patriotisme dalam diri empu

2010-08-05T23:07:00.222+08:00

Cukup patriotikkah kitai rebak diatu? Dalam tahun 50-an ngagai 80-an, semangat patriotisme tu tinggi amai. Ketebal agi patriotik maianya bekait enggau pengangkun kitai ngetan ke menua ari dikacau munsoh, laban maianya Malaysia agi benung dikacau pengawa penyamun Komunis. Sedadu kitai maianya endang nurun nyadi bujang berani berantuka nyawa maiaka patrol masuk kampung ngiga lalu ngelaban munsoh (Komunis) dalam kampung. Anembiak rebak baru diatu maiuh enda nemu senario ke bakatu kala di tengah menua kitai suba.

Bakani kitai rebak baru diatu mantaika semangat patriotisme? Ngepaika tambai Jalur Gemilang ba kereta, ba rumah? main Facebook? (ngiga bakih maioh-maioh?) Bakani cara ia, nya terserah ngagai siku-siku.

> Beratika penusah ti udah di tengah menua kitai suba sebedau pengelantang baka ke diatu, pengelikun menua diatu meri kitai ulih bependiau enggau maioh macam pemansang. Beterima kasih ngagai bala ketuai ti dulu suba.

Patriotisme tu ukai utai ti masau pengawa, tauka masa. Enti nadai semangat patriotisme tu suba dalam rakyat kitai ke dulu-dulu, menua Malaysia empai nyadi baka ke di peda kitai diatu.

Selamat Hari Kebangsaan ke-53.

Enti bisi pedilang kena bekindu

2010-07-12T03:53:00.039+08:00

Enti bisi api pedilang kena bekindu pagitu....meda World Cup 2010 final tumu pagi, berasai celap ditambahka ujan diluar. Ningka ke diatu, minute ke-56 lalu empai bisi skor ari team Sepanyol tauka Belanda.

Nganti ari kerebak tawas

2010-07-11T05:29:00.106+08:00

Tumu pagi tu, mata ranjur enggai tinduk sepengudah abis meda World Cup, German Vs Uruguay. German menang enggau skor 3-2, lalu terus dipaduka bulih penuduk nombor tiga dalam World Cup 2010. Sementara nganti ari tawas, aku ngaga entri enggau gambar-gambar dibaruh tu.

Elisha's 3rd Birthday

2010-07-06T20:46:00.005+08:00

Ngelansa pulai pengerindu bejalai-jalai

2010-07-03T01:23:00.148+08:00

Diau ba Federal Hotel ari terubah datai 31hb Mei 2010, sebedau niki ke Genting.

Ke Genting ngena MPV Innova, RM120 ari Federal Hotel, Bukit Bintang KL. Pulai ari Genting pan ngena MPV ke sama.

Ba lobi Royale Bintang Hotel di Bukit Bintang. Pulai ari Genting tengahari 3hb Jun 2010, diau ditu sampai mulai ke diri ke Bintulu kena 6hb Jun.

Tengahari baru datai ari Genting, dalam bilik di Royale Bintang - Lunch semina mesan ari room service aja.

5hb Jun 2010 - Ba depan siti ari entrance ke Pavilion

Makai lemai ba restaurant tu maia ba Pavilion

5hb Jun 2010 - Jalai masuk ngagai Tugu Negara

Elisha dibai indu pelancong ari India tu begambar lebuh maia bejalai ba Tugu Negara.

4hb Jun 2010. Bemain ngagai Sunway Lagoon.

Sebedau pulai, makai lemai dulu ba Thai Thai Restaurant di Sunway Pyramid

1hb - 3hb Jun 2010 ba Genting. Gambar ba lobi Theme park Hotel. Baru abis ngirup pagi.

Pagi 3hb Jun. bejalai-jalai sementara nganti check-out tengahari.

Pengawa sambil meda World Cup

2010-06-13T00:13:00.040+08:00

Lemai tu aku rindang meda World Cup. Seems like Korea is the first team menang dalam World Cup 2010 tu. Sementara meda Argentina Vs Nigeria. Aku nyerungkaika direktori tibang gambar untuk entry ke sekali tu.

Anak ensabi.... Bau daun ensabi ba aku sama enggau bau wasabi (pemakai Jipun). Asai daun ensabi mata sama enggau wasabi, kelebih agi ensabi bukit ia ti balat agi bau enggau pedas. Semina ensabi tu kurang pedas dibandingka enggau wasabi.

Daun empasa (ubi). Ai ujan diatas daunnya bekau ari ti baru udah badu mesi-mesi tengahari tadi di Bintulu.

Ngambi gambar indu utai mit bakatu manah agi enti ngena micro lens.

Bungai terung. Teringatka pantang (tatoo) kitai Iban.

Sekeda ari stok repik kayu standby kena BBQ maia ujung minggu. Maia diau di rumah panjai perlu nemu ngerepik kayu bakatu tajapan diatu maioh kitai udah kurang agi berapi ngena dapur kayu.

Lebuh maia ke agi besekula primari kelia (1978 - 1983), selalu amai ngereja pengawa ngambi kayu tu. Ngambi kayu disekula tu nyau ka tiap ari laban sekul ke berapi ngena kayu. Tiap pagi enggau lemai neresap ngagai kebun urang ti semak sekula. Ngiga kayu tu ukainya ka nyadi nebang kayu idup, laban kayu nya ka terus dikena Indai Sekula berapi. Enggai enda enggai, kena meh ngiga rangas ke udah rangkai, ragai kayu ti udah mati belah babas. Dalam pengawa ngambi kayu tu, enda siti nya aja ga pengawa laban ke maioh utai di pansa dalam babas.

Maioh agi ulah ke bukai ti nyelipi ari pengawa belajar lebuh sekula primari tu. Lebuh ke berati ke semua ulah serta pengawa maia nya, no way urang ti baka tu ulih belajar datai ba universiti.

Bougainvillea tauka bungai kertas. Di pansa aku ba RPR Sibiyu tengahari tadi.

Gawai nandaka taun udah betengan

2010-06-08T00:40:00.018+08:00

Bulan enam nandaka taun tu udah betengan; Bulan enam mega nandaka pun taun baru kitai Iban enti nitihka ripih tusun bumai betaun Iban. Enda berasai setengah taun nyau udah ka abis. Enti sema bisi semaia dalam diri empu deka nembu tauka ngulihka juluk ati dalam enam bulan keterubah taun tu, kitai semina bisi 23 hari (lebih kurang tiga minggu) da agi kena bejadika juluk atinya sebedau manggai ngagai tengah taun.

Bulan, bintang & matahari pegari maia Gawai

2010-05-29T00:59:00.003+08:00

Selamat nyambut Ari Gawai ngagai semua. Gaya ari (ningka ke diatu) nadai tentu ujan. Bulan, bintang serta matahari seruran pegari. Bisi pemanah, bisi mega mai penanggul ngagai bala ke begawai enti ari terus bakatu.

Begawai dirumah panjai ti nadai fasiliti ai paip ke meruan, susah amai enti ari kamarau kelebih agi di menua ti jauh tauka enda diau mangkang ai sungai ke beresi.

Ngarap ke ai ujan ti udah ditimbun dalam tangki ai (selalu ia tangki projek diberi perintah), enda tentu cukup laban maia gawai maioh beguna ai; kena bebelaka barang pemakai, bebasu serta mandi. Balat agi tusah enti rumah panjai nadai ai paip baka di rumah panjai nebing tasik.

Ngagai urang ke diau ngulu sungai ti begantung penuh ngagai jalai ai ke rumah panjai; ari kamarau ngasuh ai langkang. Penanggul tusah merau serta pejalai boat express ke ulu baka ulu Balleh, enggau Batang Rajang balat amai nanggul mensia maioh.

Tang enti ari berunggul ujan tusah ga; penanggul bah, serta tusah ka bejalai ngabang ngagai pangan diri ngelaban ujan. Taja pia, bakani kati sekali pan bulan, bintang & matahari; pegari tauka tengelam, kitai ke begawai tetap begawai. Penanggul ti dibai ari, ukai pekara ti baru bagi kitai. Kitai Iban udah bansu enggau ari ujan tauka kamarau.

Semua gambar di atas di ambi aku di Bintulu kena lemai 27th enggau 28th May.

Selamat Hari Gawai Dayak 2010

2010-05-16T20:48:00.014+08:00

Taja taun tu program aku ngintu Hari Gawai lain ari taun ke udah, tang pengerinduka maia begawai di rumah panjai endang seruran di kingat. Pengiruh, enggau pengelelak maia ke mulai kediri ke menua di kingatka magang, pia mega pengerindu ati lebuh maia ke udah terengkah di rumah betemu enggau diri sebilik serta diri serumah maia Hari Gawai.

Dua minggu da agi, diatu bala kitai di rumah panjai udah bekira-kira ke bengkah utai ka dibeli. Sida ke bejual barang pan udah bekira-kira dini endor ka ngambi stok barang kelebih agi telu,enggau manuk; dua iti barang ti maiuh amat di guna. Ia ti nyengala agi rega telu enggau manuk serta barang bukai bela "begawai" magang maia hari besai bakatu.

Selamat Hari Gawai Dayak 2010 ngagai semua. Ngajihka semua kitai bela gayu guru gerai nyamai, serta bulih pengidup ke lebih manah ari taun ke udah.

This is not a Cartoon, this is a Cartoon's Cartoon

2010-05-14T22:26:00.076+08:00

For harmonic reasons, semua kena respect siti pekara ianya volume TV or PCs enda tau kelalu besai enggai ke ngacau pangan diri.

Bejalai ngagai Kuala Nyalau Beach

2010-05-02T02:46:00.026+08:00

Selamat Hari Pekerja ngagai semua. 1hb Mei ninting taun disambut engggau Labour Day di serata dunya. Aku siku ari urang ke bekuli, enda ninggalka peluang saritu kena belelak ari pengawa bekerja. Urang ke endor urang bekuli tauka tauke (employer) nemu sida tu cuti ke enda saritu? Enti sema bisi Employer Day, ngasuh ke enda kini sida tauke (employer) tu enti kuli sida cuti saritu? ...dah nama tauke, ni ko iya meh. Apa-apa hal, undang-undang enda tau enda dititih, enda ngira sapa; tauke tauka kuli. Setiap iku kitai ke bekuli mesti ka nemu hak diri sebagai kuli, tauka urang ti bekerja (employee). Tang enti kelalu nemu pasal hak diri sebagai kuli, tusah ga. Legi nyau minta utai melampau-lampua ari employer; sampai bepiket-piket megai sepanduk niti jalai alun, beambat-ambat ba mua ofis employer tauka ofis perintah mantaika tuntutan tauka peminta diri. Pengawa bepiket tu suah agi nyadi lebuh maia Labour Day baka saritu tadi.

Kena aku ngisi Labour Day saritu, aku ngemai famili aku ngelawa Nyalau Beach Resort, enda jauh ari Bintulu tu. Kira-kira sejam setengah driving ari Bintulu nengah Coastal Road ke Miri. Jalai masuk ngagai Resort tu balat amai jai. Penyauh ari simpang jalai besai ngagai pantai lebih kurang 6.5 KM, neresa Kampung Kuala Nyalau.

Urang menuanya berikan ngena perau mesai tu. perau tu empai lama udah sangkai ngemai ikan, di ambat bala sida ke bukai ari darat.

Siku ari ikan ke bisi di bai sida ke pulai berikan...ikan pari. Aku sempat enggau bala sida dia ngulu meda ikan tu.

Pantai tu manah amai enti diintu beresi. Engka laban alai tu jauh, nya kebuah nadai ngemai urang maioh ngelawa alai tu; lalunya, pelaba aku kebuah menua tu enda diintu enggau manah. Resort ke ditu pan nadai beroperasi agi dipeda aku.

Sekeda ari urang ke bisi datai ngagai pantainya. Sida tu nganjung diri ngirup ai nyiur, meli ari urang kampung dia.

Gambar di ambi aku ari rumah siku urang kampung dia, sementara nganti iya tembu mela buah nyiur dibeli aku ari iya.

Kawasan kampung tu ditu sunyi aja. Nadai maioh urang ayan, jalai enda kisuk enggau motor. Serekun aja asai bila masuk kampung tu, semina meda maioh rumah dikiba kanan jalai serta gaya pendiau enggau pengawa sida. Gambartu di ambi aku lebuh ke ngetu meli buah semangka ari urang ke ngempu rumah tu.

Gambar pemendai / penyangkai perau urang kampung tu.

Udah tu ila, plan ke ngagai Nyalau Waterfall, kira-kira 1 KM ari jalai besai, mua ke Kanan jalai. Nganti Labour Day taun siti nyin ila kini...

Ngulu HSE Management Workshop di Eastwood Valley

2010-03-25T22:38:00.055+08:00

Begambar enggau sekeda ari bala HSE personnel ari contractor ke bisi sama ngulu workshop nya.

Signing of MoU - Program Mentor Mentee ari DOSH Sarawak, antara mentor (MLNG, serta SMDS) enggau Mentee (Contractor; BWS Engineering, serta Apticom).

Benung mendingka presentation ari KUMUS HSE Officer.

Benung mendingka presentation ari siku Occupational Health Manager, Doctor ari PETRONAS Carigali.

Pulai lemai ari Miri ke Bintulu ari keterubah workshop. Malas ke bemalam di Eastwood nadai pengawa ka digaga. Ngetu sekejap ngambi gambar tu dirantau jalai.

Sebengkah ari walkway ti digaga ari kayu di menua Eastwood Valley tu. Aku rindu meda rumah ti digaga ari kayu ditu; semua digaga enggau manah serta ari kayu kering magang.

Semua gambar ke di baruh tu kena aku rindu ati aja, nguji ke pengeka diri ngambi gambar. Shot tu di ambi aku tumu pagi hari keterubah datai di Eastwood. Maianya embun agi penuh diatas rumput, dipadang golf tu. Bala ke ka 'nebas rumput' empai belabuh agi;

Utai ke bisi dipansa narit runding & kudi ati.

2010-03-07T21:32:00.109+08:00

Proposed site for SALCO smelter. Suba udah tawas, tang diatu nyau tumbuh babas laban projek lalu enda belabuh; nebang banjur meh tu. Palan tu ditagaka alai Aluminium smelter plant di Similajau Bintulu, di empu Sarawak Aluminium Company Sdn. Bhd. - gempung kompeni Rio Tinto Alcan, company ari Australia, enggau Cahaya Mata Sarawak, CMS. Gambar diambik aku lemai tu tadi lebuh ke bejalai-jalai musin sekeda menua Bintulu.

Projek tu nyadi tauka enda, nya dipeda enda tentu dikemeranka; yang pasti TANAH udah betukar jari, nyadi Hak Milik SALCO. Aku udah lenyau lebih separuh pengarap ngagai projek ke sama bengkah bakatu; SPI (Similajau Pulp Industries), BPP (Borneo Pulp & paper - 5 taun gawa ditu pengujung ia puntan!).Diatu bisi Koridor SCORE; maioh agi projek udah dilanggurka ka digaga di atas TANAH dalam Koridor SCORE. TANAH gerenti betukar jari; Projek empai temu nyadi. Rumah enggau pendiau mensia dalam bidang TANAHnya sigi diruga.

Enti Projek ti bakatu nyadi, nadai meh ngawa. Semua urang gaga. Sekurang-kurang ia Projek ulih ngemai pemansang serta peluang ekonomi tauka komersial, seenda-enda ia ngagai urang ti empu menua. Taja lenyau TANAH, tang peluang tauka pengawa ngenataika pemisi bukai bisi tebuka. Pekara ke bakatu meh tau ngemai rakyat besumpah cuit enggau perintah. Ia ti alah, sapa agi enti enda rakyat.

Gambar siti tu tak seredah mimit, mantai ke utai ti salah..reti ko akunya, salah spiling; sepatut ia TRESPASSING ukai tree passing. Gambar tu diambi aku pagi tadi ba pondok pengawal masuk ngagai construction site di Parkcity, Bintulu.

Gambar tu diambi aku lemai kilah ensana, lebuh ke tepekung dalam traffic jam di depan SMK Bandar.

Elisha & Ariel bemain di tengah laman

2010-02-26T23:52:00.024+08:00

Saritu tadi Elisha enggau Grace bemain di rumah aki seduai. Elisha diatu udah nemu minta anjung kitu, ka bemain enggau cousin iya Ariel. Di baruh tu siti ari ulah seduai sari-ari tu tadi;

Nupik Manuk Sabung & Nyabung

2010-02-19T22:07:00.015+08:00

Kitai Iban landik amai nupik manuk, termasuk meh nupik manuk sabung. Manuk sabung bekait semak enggau kitai Iban; lalu nyabung nyadi sebengkah ari pengawa asal Iban.

Kemaia ari tu, nyabung manuk di kategorika sebagai judi; enti nyabung nadai permit tau pulai ke penyalah di sisi undang - undang perintah.

Pia mega nyabung dikaitka enggau pengawa ngerua tauka masau duit, taja nyabung tu kadang-kadang tau ngulihka duit; tang perening keterubah urang maioh pasal nyabung tu, ia tu sebengkah ari pengawa ti tau ngemasau pengidup. Enda nemu meh. Tepulai ngagai diri empu.

Bejaku pan urang enti tua ka nyabung, dini ga alah di ke enda ga. Maioh bala ke udah enggau begulai gian amai nyabung, pia mega maioh iya ke udah ngetu nyabung, sida tu semina becerita ke pengingat diri maia ke berandau enggau urang ke agi penyabung. Aku empu keru semengat ari pengawa tu.

Apa-apa hal, aku rindu meda manuk sabung. Semua gambar manuk sabung ke dibaruh tu di ambik aku maia cuti pulai ke menua minggu tu kemari, maia CNY. Lama udah nadai bayam manuk sabung bakatu.

Manuk kitai Iban (kategori ayam kampung), tinggi amai rega enti dijual. Pia mega babi Iban (babi Menua). Taja pia, nadai udah didinga tauka dipeda aku, urang bekebun besai nupik dua bengkah jelu tupi tu. Enda nemu nama kebuah.

New Divide

2010-02-01T22:28:00.045+08:00

I remembered black skies, the lightning all around me

I remembered each flash as time began to blur

Like a startling sign that fate had finally found me

And your voice was all I heard that I get what I deserve

So give me reason to prove me wrong, to wash this memory clean

Let the floods cross the distance in your eyes

Give me reason to fill this hole, connect the space between

Let it be enough to reach the truth that lies across this new divide

There was nothing in sight but memories left abandoned

There was nowhere to hide, the ashes fell like snow

And the ground caved in between where we were standing

And your voice was all I heard that I get what I deserve

So give me reason to prove me wrong, to wash this memory clean

Let the floods cross the distance in your eyes across this new divide

In every loss, in every lie, in every truth that you'd deny

And each regret and each goodbye was a mistake too great to hide

And your voice was all I heard that I get what I deserve

So give me reason to prove me wrong, to wash this memory clean

Let the floods cross the distance in your eyes

Give me reason to fill this hole, connect the space between

Let it be enough to reach the truth that lies across this new divide

Across this new divide, across this new divide

Santai di Reggae's Grills

2010-01-03T22:12:00.022+08:00

Kenyau ari setaun ke udah, maioh amai tempat baru-baru di Bintulu ditu udah dibuka. Tempat tu termasuk meh rumah, kedai-kedai, termasuk kedai makai-ngirup, baka ba Reggae's Grills tu. Maioh kedai baru ditu digaga nitihka citarasa terkini urang maioh.

Tajapia, siti cabaran bagi kedai-kedai (kelebih agi ia ke bepelasarka makai enggau ngirup), ianya laban menua Bintulu tu empai maioh urang (pelanggan). Potensi kedai-kedai tu tinggi untuk maju enti menua Bintulu udah cukup maioh urang baka di Miri tauka di Kuching.

Leboh ke ngagai Reggae's Grills tu. Sempat ga aku berandau enggau urang ke ngempu kedai tu. Iya becerita mimit tentang kedai iya. Semua pekerja iya urang baru, maioh empai tentu lanchat, ka perlu di kemata serta di ajar.

Ba pelaba aku, kebuah maioh amai kedai, hotel, hospital swasta, enggau rumah di gaga di Bintulu ditu, laban nyerumba langgur pengerembai industri-industri besai ke di sadang tumbuh di Bintulu dalam kurang ari 10 taun da agi. Industri tu akan ngemai maioh urang datai tauka urang meli reta di Bintulu ditu.

Arapka pelaba aku tu betul, enti nitih ke strategi games CEASER III, tauka SIMCITY. Dua bengka PC game ti dikerindu aku dalam 90'an suba. Sampai pagi main game pan tan mata, laban rindu ngatur strategi kena ngemai maioh urang datai diau dimenua ke digaga. Enti semua utai cukup, lalu enda suntuk, maioh meh urang datai.

Rembus di Kuala Sungai Sibiyu

2010-01-01T16:10:00.010+08:00

Gambar-gambar tu di ambi aku kena 26 December 09, maia ke bejalai -jalai lalu rembus ngagai Kuala Sibiyu tu.

Sungai Sibiyu amai beguna ngagai urang Bintulu; Ulu sungai tu nyadi ke main catchment basin ngagai LAKU (lembaga Air Kawasan Utara) Bintulu ditu.

Nanga Sungai Sibiyu, matik ari Sungai kemena

Maioh macam kategori rumah bediri di sepanjai sungai tu; berengkah ari Rumah Kampung, Setinggan, kawasan perumahan, serta rumah panjai (di bahagian ulu).

Eva Grace's 9th birthday party

2009-10-25T13:51:00.025+08:00

Happy birthday Awesh.

Elisha tumpang sekaki. Perlu dijaga bila cake udah di engkah atas meja.

Begambar sekejap enggau the birthday girl. Aku baru datai ngambi catering.

Grace & cousin iya Angel

Angel (9), Grace (9) & Adel (10)

Thanks a lot. Kiruh seari-ari ngadu & nyediaka rumah.

Bengkah agenda ti perlu bisi dalam Iban

2009-08-31T17:47:00.036+08:00

Semua kitai perlu nyingkang sama enggau jam ke seruran berinsur. Kemansangka penemu serta pengelandik diri setiap ari. Agi maioh kitai Iban tinggal pemansang ti udah jauh ngerembai dalam maioh bengkah.

Anang kelalu mantai ke pengeringat kitai enti urang bukai (tauka bansa kitai empu) nyebut pekara ke enda manah tentang bansa kitai; Enggai ke pengeringat kitainya legi makin muka peluang untuk sida manipulate kepentingan bansa kitai enggau balat agi. Kitai enda ulih ngubah peneka sida tu bejaku enti enggau pengeringat aja.

Dalam kitai bekerja, anang sekali mantul enti bisi penanggul, bekerja nitih jalai ke manah, jalai ke professional. Makin maioh kitai nitih jalai kerja ke meruan, makin maioh kitai bulih pengidup ke lebih manah. Perubahan ke bakatu ila, secara enda langsung ulih ngurangka tanggapan negatif bansa bukai ngagai bansa kitai.

Kitai mesti ingat, maioh bansa bukai di dunya tu rindu begulai enggau bansa Iban, sekalika kerja tauka belajar, dalam tauka luar negeri. Kitai Iban maioh udah nyadi orang professional, belajar tinggi, landik gawa, serta ulih besemekih enggau bansa bukai. Tajapan pia, tu empai cukup maioh enti dibandingka enggau penyampau ke patut dikemisi bansa kitai, kena ngurangka takah penyeranta dalam bansa kitai ari bansa bukai.

Setiap anembiak kitai Iban perlu bisi pengeras ati ka munaska penyeranta, biarpun dalam tikas diri sebilik aja. Sida ke baru tu perlu ngiga peluang enggau profession kerja ke meruan, profession ti tau nempa sida nyadi urang ti landik gawa (skilled employee) ngambi ulih terus bekempit enggau bansa bukai mansang dalam dunya kerja. Anembiak baru Iban anang kelalu ngemaruhka diri empu bila begulai enggau urang bukai. Perangai ke bakatu tau ngelepas ke peluang ke manah kena sida nyadi urang ke pandai, berega tinggi tauka landik kerja.

Anembiak Iban anang kelalu ngarap ke tulung urang bukai kena ngulihka peluang kerja tauka peluang ngemansangka diri. Terbukti ulih enti sida tu ka bebendar ngepun ke diri ngiga peluang ke manah untuk diri empu. Maioh anak Iban ulih mansang, ulih niki serta ngerembai ke pengawa diri enggau tulung diri empu nyadi ke pemun.

Setiap anembiak Iban mesti bisi objektif ti nyengala, ti nyadi ke juluk ati dalam idup sida iya. Sida tu perlu nempa diri nyadi urang ke benilai tinggi enda ngira dini endor sida iya diatu; Bagi sida ke agi besekula, tempa diri nyadi urang ke pandai, mereti ke pengidup lalu meda Bansa Iban nyadi ke juluk ati untuk dikemansangka. Bagi anembiak ke enda agi sekula, tempa diri enggau disiplin pengidup ke meruan, tanamka pemereti ati ke ka maju dalam diri empu, peda urang bukai ke senang lantang nyadi ke peransang. Anang buruk bekerja, peda diri sebilik ti nganti tulang kitai tu diguna untuk bekerja nyukung ruang bilik.

Di atas semuanya, pemereti ke pengidup, nya meh utai numbor satu beguna. Bisi pelajar tinggi pan enti nadai pemereti ke pengidup enda meh ulih menjamin kitai idup meruan, tauka senang lantang. Arinya, semua anembiak kita Iban ti benong besekula tauka enda, anang enda berati ke jalai pengidup ke meruan nyadi ke jalai titih kena ngulih ke juluk ati.

Enti semua bisi ati serta bekerja ke arahnya, takah pemerinsa bansa kitai ari tikas ke sepatut ia, tauka ari bansa bukai ulih dikurangka, ujung iya ulih dipunaska.

Ingat, pemansang ukai semina siti bengkah aja. Anang terus malik ngagai urang politik bila nyebut pasal pemansang. Kitai Iban udah maioh amai bejakuka pemansang politik, lalu maioh amai urang bemain politik untuk ngulihka pemansang. Aku kira, kita perlu ngubah gaya kitai meda jalai penatai pemansang. Maioh pemansang ke bukai sama bela patut dikemansangka kitai, lalu maioh pemansang tu enda perlu begantung ngagai urang politik untuk dikerembaika.

Ke penudi ia, urang Iban amat ibuh ke gaya idup bansa ia. Maioh Iban befikir ka ngemai bansa tu mansang. Nya manah. Kerja terus kitai ngambika ulih terus ngemansangka diri. Pilih lalu titihka jalai pengidup ti meruan, anang ngemasau diri, belanja enggau bansa diri.

Agi maioh puang dalam sitak pemansang kitai Iban perlu diisi ulih kitai. Tamadun kitai Iban agi puda, empai sampai 200 taun pan; tang tu enda tau nyadi ke kebuah kitai enda bekerja terus, bagaska agi ngiga pemansang ke diri empu, seterus ia ke bansa kitai Iban. Enda ibuh kitai begadaika rega bansa tauka ninggalka bansa Iban untuk ngulihka pemansang. Kitai Iban ulih, seagi kitai bagas bepikir, bagas kerja serta liat ati bila nengah penusah.

Ujung minggu bemain di kebun

2009-07-29T22:58:00.032+08:00

Semua gambar di baruh tu, tau di kena enti nuan ka. Nadai copyright applicable. Kasih kawan, T_T.

Nyamuk ke mantang aku sekali tu sempat di bunuh aku. Lesson learnt ari minggu lepas.

Special shot...gambar kayu rian.

Bungai & langguk nyekak

Special shot..Daun kalendang tumbuh maioh ba tisi kebun

Paku kalendang. Enti sesat dalam kampung, utai bakatu tau kena beridup.

Pemendai tebing Sg. Kemena...sunyi aja. Jarang ditengah sekumbang udah datai jalai (Jalai Bakun).

Tu bungai kacang brandi..., bendi sebenar ia. Ladyfingers ko urang putih.

Shot tu manah agi enti rumputnya bisi nyampaunya da dalam view tu. Ila nguji baru.

Bemain di kebun buah

2009-07-21T23:36:00.035+08:00

Musim buah udah belabuh di Bintulu. Ujung minggu tu kemari kami sebilik sempat bemain ngagai kebun buah sekejap, lalu ngumpul buah rian mimit. Rindu mai bala ke mit bemain ditu, kebun tawas amai.

Grace enggau cousin iya Angel urang ti paling excited.

Siti ari tiga pun rian ke benong bebuah.

Nyekak benong bebungai. Dijangka mansau ujung bulan sembilan ila.

Buah lumuk. Agi puda.

Limpang sekejap, nyadi pengajar SHO

2009-07-17T23:31:00.042+08:00

Aku selalu dikanggau ke NIOSH meri training ngagai bala ke ngambi kursus SHO (Safety & Health Officer) di Bintulu ditu, kenyau ari taun siti tu kemari.

Aku bisi pengerindu dalam ngereja pengawa meri training tu; Kesatu, laban megai pengawa OSH (Occupational Safety &Health) tu endang sigi bidang kerja aku, kenyau ari taun 1997 suba. Kedua, aku rindu bekunsi ke penemu enggau bala ke ka nyadi OSH pratitioner. Ketiga, aku ngasai ke diri bisi ati ka besaup sama, mantu perintah ke ka ngerembai ke penemu pengelikun kerja tu ngagai semua sektor kerja dalam menua tu.

Diatu pengawa pengelikun kerja tu udah nampak amai dikemeranka maioh macam sektor ekonomi, nyengkaum kompeni-kompeni dimenua tu. Bala ke ngambi kursus tu datai ari maioh bengkah sektor termasuk sektor ladang sawit, ladang kayu, project ngaga rumah, kilang kayu, kilang sawit, kontraktor ke mit-mit, bala baru abis sekula (form 5), serta bala ke benong gawa, tang ka nukar profession diri ngagai bidang tu.

Dalam kelas ke bakatu, aku selalu bejali penemu enggau bala ke di ajar aku. Rindu ninga cerita enggau berita ari sida, kelebih agi sida ke ari sektor ke enda sama enggau endor aku gawa. Ukai semina pengawa ba Oil & Gas aja beguna ke pengelikun kerja, tang mega sektor bukai sama bela ngemeran ke OSH tauka HSE. Tu di tambah ke agi diatu opis DOSH udah bejalai ke tanggungpengawa neritka undang -undang OSHA dalam menua tu enggau terit agi, enti dibandingka enggau 10 taun lepas.

Dibaruh tu aku nyelitka mimit slide ke dikena aku ngajar dalam kelas SHO nya.
Occupational Safety & Health (OSH) ba endor gawa tu amat beguna, kena nyeliah ke penusah bebadi, telih enggau pengrugi bukai enda kira ngagai kuli ke gawa, tauka ngagai pengaji (employer) ke empu endor gawa.

Aku secara peribadi rindu ngereja pengawa tu, laban tu meh cara aku meri sumbangan ngagai bansa aku; nyedia, ngemata serta neritka jalai nyaga OSH ke sida ngambi sida selalu likun, serta gerai di endor gawa.

Happy Birthday to Elisha

2009-07-05T23:54:00.023+08:00

Miring teresang tinggi lemai Hari Gawai

2009-06-06T18:13:00.050+08:00

Piring di anjung ari dalam bilik nengah ruai sebedau pansut ke tanju, lalu di tusun nitih ke ripih di atas pua kumbu. Aku ngambi dua shots tu sepengudah piring abis diatur, piring 4 x 8. Tiga piring di engkah ba teresang tinggi, lalu siti agi ba piring babi.

Urang ke bempu pengawa lemainya

Urang ke miring teresang tinggi... benung nyimpan piring ke dalam teresang.

Aku sempat enggau sida tu betabuh sekejap.

Pengingat pulai gawai

2009-06-06T00:50:00.040+08:00

Rampa pagi ba siti jalai di pasar Sibu. Ngetu sekejap b'fast & meli barang mimit. Kereta aku ka dianjung ke IPD udah tu. Ari IPD, pulai ke wharf express ngena taxi service, RM13. Call aja numor tu, 084-335787 (Sibu Taxi Station).

Betukar mode of transport.., ari ke bekereta diatu ngena boat express ke Kapit. Kereta di engkah ba IPD Sibu. Maioh bala ke sama waktu enggau aku, sama bela nyimpan kereta dia. Bisi parking lots luas dalam IPD nya (risiko nanggung kediri wai...). Enda kiruh ngenusah kaban belah Sibu ke ka begawai enti nyimpan kereta ba rumah sida.

Penyauh pejalai ngulu sungai Rejang ari Sibu ke Kapit ianya 216 KM, ngambi masa tepat 2 jam setengah. Pejalai kereta ari Bintulu ke Sibu, mega lebih kurang sama jauh, 217 KM perlu ngambi masa 3 jam lebih laban nadai ulih laju ba maioh bahagian jalai ti jai di sepanjai jalai Bintulu-Sibu.

Lemai datai dirumah...sempat ngulu bala niri ke teresang di tanju.

Miring keduran lemai 31 hb. Semua 30 lebih pintu bela mansut ke piring serentak maia miring keduran tu. Rindu meda, serta begelumu enggau bala diri serumah.

Pengawa begawai lebih menyana enti bisi pengawa bakatu. Nimang tu belabuh ari pukul enam lemai sampai pagi pagila. Bisi ngetu di antara jam nya, tang enda ulih tinduk. pengawa nimang tu enda strange ngagai aku.

Lemambang Bala, seduai Lemambang Beti bela mai pejalai diri ngena leka timang ngading urang panggau ngintu pengawa ke ditimang seduai.

Grace begambar ba ruai enggau betunggal iya, Inty seduai Kerry. Walau bala kami sebilik maioh enda pulai, at least bisi ga penatai kami menyanak sama begawai enggau bala ke agi tinggal di menua.

Ngaga pengingat pulai gawai, begambar di ruai. Tu gambar sebedau nurun ke ai ngulu pengawa dalam post ke dulu agi ari tu.

Pengawa ke enda kala enda maia gawai

2009-06-05T01:33:00.027+08:00

Beckham benong nimbang babi. Setaun sekali belanja bala, RM10 sekilo (rega rumah panjai). Semuanya pulai ke pengaga magang.

Pengawa besaup bedau tebal ba rumah panjai. Tambah agi maia gawai bakatu. Nadai ibuh dipadah tauka diupah.

Lagi lantang ati bila ngaga pengawa emparu babi bakatu bisi urang nyadung ai , nya tau ngasuh pengawa jampat agi tembu.

Sambil nganti bala tembu emparu babi, meda bala anak mandik.

Udah landik... nadai ibuh dipadah bakani enggau tu bila babi diintu di sungai bakatu. Tu utai dulu tembu.

Kerja begambar aja.

Aku meda shot tu special mimit. Bisi tiga shots di gaga aku. Tang aku milih siti tu, bisi senaya daun api ba depan nya. Cukup element bila nama ia nunu utai, daun api mesti bisi ayan.

Bala merau ke bisi mansa maianya. Semua di kanggau ngetu.

Perau ke depan nya, agi empat jam agi mudik sungai tu, rumah panjai di pala menua. Kira enda meh aku ngagai menua sidanya. Bisi ari tinggal tulang betis aku belah kerangan enti kin. Sekali setaun pen enggai.

Tu ungkup ke ka di bai ke rumah. Kena nampung pengawa dirumah, kelebih agi begawai malam 31 hb.

Pulai ke menua & mandi ai sungai

2009-06-05T01:07:00.035+08:00

Taja ai enda tentu chiru, endang nadai nanggul ati ke ka mandi. Ai keruh udah bekau ujan dua hari lepas. Enti nadai ujan dua tiga ari agi, ai ulih pulai chiru baru.

Elisha seduai Grace enggau betunggal seduai Inty, benong berendam enggau bala bukai. Ai sungai tu amat fresh asai ia, taja bisi keruh mimit.

Ai keruh ketegal kelalu balat kompeni kayu ngereja balak di ulu sungai tu. Diatu, ba tubuh aku empu, semua sungai menua kami udah abis kena kacau pengeruh tu kelebih agi maia ari udah ujan.

Kerja balak enggau enda betatak udah lama ngerusak menua tu, menua Sarawak keseluruhan ia. Abis ia ke tumbuh asal, diatu kompeni balak udah bekebun kayu ngambi ke bisi ditebang baru ila.

Tajapen bisi Reforestration (forest plantation) project digaga ulih perintah menua tu, nengah kompeni balak, semua nya empai dipeda ulih nagang sungai tu ari terus rusak.

Siti agi, nyauh ni meh Sustainable Forest Management di menua tu ulih nulung ngelindung sungai tu? atau semina kena fullfil peminta ngambika kayu ari menua tu ulih dijual ke menua luar.

Gawai 2009 - Grace ngena ngepan Iban

2009-06-04T00:30:00.029+08:00

Semua ngepan lalu ngari Grace tu disedia serta digaga ulih ibu & inik biak Grace di Menuan, Kapit.

Time Out

2009-03-24T22:25:00.046+08:00

CREED

2009-01-14T22:41:00.039+08:00

Please come now I think I'm falling

I'm holding on to all I think is safe

It seems I found the road to nowhere

And I'm trying to escape

I yelled back when I heard thunder

But I'm down to one last breath

And with it let me say

Let me say

Hold me now

I'm six feet from the edge and I'm thinking

That maybe six feet

Ain't so far down

I'm looking down now that it's over

Reflecting on all of my mistakes

I thought I found the road to somewhere

Somewhere in His grace

I cried out heaven save me

But I'm down to one last breath

And with it let me say

Let me say

Hold me now

I'm six feet from the edge and I'm thinking

That maybe six feet

Ain't so far down

Sad eyes follow me

But I still believe there's something left for me

So please come stay with me

'Cause I still believe there's something left for you and me

For you and me

Hold me now

I'm six feet from the edge and I'm thinking

Hello my friend

We meet again

It's been a while

Where should we begin?

Feels like forever

Within my heart

Are memories

Of perfect love that

You gave to me

Oh, I remember

When you are with me

I'm free, I'm careless

I believe

Above all the others

We'll fly

This brings tears

To my eyes

My sacrifice

We've seen our share

Of ups and downs

Oh, how quickly life

Can turn around

In an instant

It feels so good to reunite

Within yourself and

Within your mind

Let's find peace there

'Cause when you are

With me

I'm free, I'm careless

I believe

Above all the others

We'll fly

This brings tears

To my eyes

My sacrifice

I just want to

Say hello again

I just want to

Say hello again

When you are with me

I'm free, I'm careless

I believe

Above all the others

We'll fly

This brings tears

To my eyes

'Cause when you are

With me

I'm free, I'm careless

I believe

Above all the others

We'll fly

This brings tears

To my eyes

My sacrifice

(I just want to

Say hello again)

I just want to

Say hello again

My sacrifice

Iban workers toward the Safe Work Culture

2009-01-13T21:46:00.046+08:00

General Safety information on working at height.
When you working at height you need to protect yourself from fall. The same when you handling hand tools, equipment and work material at the elevated work location; all these items need to be secured safely. Many falling from height incidents are resulted in serious personal injury and even fatality.

Personal fall from height is possible when the person exposed to falling from height hazards such as working from incomplete temporary working platform e.g. guardrail missing. Unprotected floor opening or wall opening. Other than that, hazards due to fail in providing and using the fall prevention and protection equipment such as personal fall arrest system e.g. full body safety harness, safety net, and life-line also potentially contribute to the incident.

Apart from personal fall, another work hazard is falling object. Falling object may result in serious personal injury to person below, and also property damage.

To prevent these incidents you must know the mitigation measures to mitigate or even eliminate the hazards.

Your employer must have at least one simple safety procedure dealing with the safety hazards of working at height; you, as a worker is oblige to comply with the procedure and follow any safety instruction related to the jobs.

In reality, there are not many employer especially small employers or small contractors have provided safe system of work such as the safety procedures. I think the employers that have number of employees more than five (5) persons should be made mandatory to have safety procedure, not only made mandatory to have safety policy as enforced by the OSH Act 514 of Malaysia.

You are working at height when you on the elevated work location more than 1.8 meters. This limit is varied at different organization. Examples of working at height are including scaffolding work, steel structure erection, working from elevated work platform such as doing surface cleaning (abrasive blasting), painting (airless spray or roller), insulation, welding, equipment installation and pipe erection.

Well organize fall prevention and protection program can be achieved with professional approach in managing the overall safety program in an organization or in building engineering construction works. I believe the excellent safety performance can be achieved by any employer, and incident free work environment can be created by serious commitment from employer and employees to implement a world class safety program. It does not mean we need to spend tonnes of money to employ the professional safety system and resources. Nevertheless, you might loss much money and damage to company reputation when accident happened in an organization. This might giving impact to company business.

To all Iban workers, continue work safely with whoever employer or “tauke” you work for. Be proactive, learn more and improve your safety knowledge. Let Iban people not only recognized as hard working people, but also safety conscious.

2008 year end time out

2008-12-21T22:35:00.020+08:00

Time Out

2008-12-08T17:10:00.019+08:00

Pengingat maia belajar

2008-06-15T01:56:00.023+08:00

Peluang

Dalam taun 1991, empai maioh institut pengajian tinggi ba Malaysia enti dibandingka enggau diatu. Maianya, nadai maioh universiti ba Sarawak, universiti awam tau di kumbai nadai. Semua universiti ba Malaysia ulih di tiap enggau tunjuk, lalu semua universiti nya di Semenanjung magang.

Belanja
Ari pengingat diri maianya, nurun ke anak rumah panjai ngagai universiti, ukai pekara ke senang. Ba nya meh pemendar apai indai ngasuh anak sekula betul-betul kena uji laban belanja ti besai dipegunaka. Enti enda mutus ati, pelajar anak tau ningka nya aja. Ukai semina belanja di kena nurun, tang mega belanja tiap-tiap bulan sepengelama 4 tahun perlu digiga sida. Biasiswa FAMA mehnya...(Father and Mother). Pinjaman ari perintah bisi, tang semuanya dudi. Ia semina diterima nyau udah belajar di kampus.

Komunikasi
Maianya, kelebih agi menua ulu, nadai maioh kemudahan komunikasi kelimpah ari public talipon (selalu rusak) enggau surat. Nadai handphone, internet tauka email. Komunikasi tu mega siti penanggul leboh maia ke ngiga universiti sepengudah keputusan SPM keluar. Semina ba surat khabar bulih iklan masuk universiti.

Idup di kampus
Penyiru enggau betah maia tu kena uji. Keterubah jauh ngejang ke menua, nadai betemu enggau bansa Iban, begulai enggau bansa bukai, kelebih agi dalam dua minggu keterubah ba kampus. Nadai jaku ninga munyi nyawa apai indai. Betul- betul berubah environment. Ari pendiau di menua ulu, ngejang jauh ke Semenanjung. Ulih nyadi culture shock laban tu, lagi teruk enti di tambah begulai enggau orang ke maioh ulah. Maia tu integriti diri perlu tegap. Pengeliat ati ngelaban pemedis, penyuntuk belanja (sebengkah ari utai ke enda kala pemisi ari ke nuntung), enggau corak idup baru di kampus mesti bisi dalam diri belama. Idup di kampus ukai semina besediaka nurun kuliah aja lalu bulih ijazah, tang ia mega meri peluang ngagai kitai belajar ke maioh bengkah cara ngidup ke diri. Ia nyadi ke pemun cara kitai ngidup kediri, bediri ba diri empu.

Motivational phrase

2008-06-13T13:22:00.008+08:00

Every tasks need to be accomplished within its own appropriate time; the time is running and you need to keep pace with it.

Take up any challenges that coming on your way; they will make you wiser, and take you to the best of yourself.